Портпаролот на рускиот претседател Дмитриј Песков денес изјави дека изјавите за можна испорака на ракети „Томахавк“ од страна на САД во Киев се многу сериозни.

„Секако, ги слушнавме овие изјави, тие се многу сериозни“, изјави Песков пред новинарите, коментирајќи ги изјавите на американската страна за можноста за испорака на ракети „Томахавк“ во Украина, пренесува РИА Новости.

Песков нагласи дека Кремљ ги слушнал изјавите на потпретседателот на САД Џ.Д. Венс и специјалниот претседателски претставник на САД, Кит Келог, во врска со можноста за испорака на ракети „Томахавк“ во Украина.

„Сега внимателно ги анализираме овие изјави“, изјави Песков пред новинарите, додавајќи дека паузата во украинскиот мировен процес се должи на неподготвеноста на Киев да го продолжи дијалогот.

Тој потсети дека минатиот пат во Истанбул, на состанок на мировните делегации, беа формулирани предлози за создавање работни групи за да се разговара за сите модалитети во клучните области.

„Сега има пауза. Паузата, всушност, се должеше на неподготвеноста на режимот во Киев да го продолжи овој дијалог“, рече Песков.