Поранешниот припадник на терористичката ОВК, Томор Морина, кој македонскиот суд не го испорача на Белград откако за него имаше потерница од Србија, е дочекан во родната Ѓаковица „како херој“, пишува приштински Газета Експрес.

Морина по излегувањето од скопскиот затвор во Шутка го пречекале претставници на амбасадата на Косово во Скопје, членови на семејството и пријатели со музика, пренесува весникот.

Претставниците на политичките партии во Приштина го поздравија ослободувањето на Морина.

Томор Морина беше уапсен на граничниот премин Блаце по распишана меѓународна потерница на Интерпол, на 24 јули при влез од Косово во Македонија.