Холивудската легенда Морган Фримен (87) конечно ја откри вистинската причина зошто никогаш не ги вади своите препознатливи златни обетки. Не се работи само за стилот, зад овој моден детал се крие мрачна приказна.

Уште откако стана познат на 49-годишна возраст, Фримен ретко може да се забележи без златните обетки. Сепак, овој детал има длабоко лично значење. Тој на својот Инстаграм профил тој објасни:

„Често ме прашуваат за овие обетки. Вистината е дека тие вредат колку еден ковчег, па ако умрам на непознато место да можат да ме погребаат. Затоа морнарите ги носеа. Затоа јас ги носам“.

Неговата фасцинација со златните обетки започнала уште во детството, кога го гледал филмот „Пиратот Кримсон“ (The Crimson Pirate) со Бурт Ланкастер, кој глумеше пират на Карибите.

„Мислев дека изгледа секси. А потоа дознав дека морнарите носат златни обетки за да можат да платат за нивниот погреб ако умрат во странство. И јас сум морнар, тогаш сето тоа кликна“, изјави Фримен за „Фокс њуз“ во 2016 година.

Морска душа и обетки со значење

Фримен, кој се опишува себеси како „морнар до срж“, признал дека чувствува длабока поврзаност со морето. Во интервју за Гардијан тој изјавил:

„Отсекогаш сум сакал обетки. Тоа е поврзано со мојата приврзаност кон морето. Кога имав 35 години, бев разделен од жена ми, а таа ми рече: „Ќе ти го прободам увото“. Така беше“.

Љубовта кон едрењето му се родила во 1967 година, кога го добил првиот брод и научил да плови по езеро во Вермонт. Оттогаш не престанал да плови.

Мистериозната црна ракавица на Оскарите

Фримен го привлече вниманието на јавноста и на овогодишните „Оскари“ бидејќи носеше црна ракавица на левата рака. Додека тој зборуваше со почит за својот драг пријател и колега Џин Хакман, многумина на социјалните мрежи се прашуваа што се крие зад тој моден избор.

Сепак, причината е здравствена. Фримен со години ја носи ракавицата за да ја ублажи болката предизвикана од фибромијалгија, хронична состојба за која нема лек.

По тешка сообраќајна несреќа во 2008 година, кога неговиот автомобил се превртел повеќе пати, се здобил со сериозни повреди – скршеници на рацете и лактот и трајно оштетување на нервите што му предизвикало парализа на раката.

„Болката се шири низ целата рака, а понекогаш станува мачна“, изјавил актерот за интервју во 2012 година.

Фибромијалгија погодува милиони луѓе ширум светот, предизвикувајќи хронична болка, замор, вкочанетост на мускулите, проблеми со концентрацијата и лошо расположение. Сè уште не е позната точната причина, но се верува дека станува збор за нарушување на сигналите за болка што мозокот ги испраќа до телото.

Додека медицината сè уште бара ефикасен лек, Фримен тивко ги „решава“ секојдневните проблеми со златни обетки кои го потсетуваат на живот полн со авантури и ракавица која штити од болка што камерата не може да се види.