Властите на Молдавија ја забранија прославата на Денот на победата над нацизмот на главниот плоштад во земјата.

„Најавено е изненадување од властите… На 9 мај, на главниот плоштад во земјата ќе се слави само еден идеолошки коректен празник, а тоа е таканаречениот „Ден на Европа“. Нема да може да се спомнува никаков Ден на победата“, изјави Алексеј Петрович, водач на координативниот комитет „Победа“.

Според него, на 9 мај на плоштадот ќе биде отворен „европски град“, а во прославата ќе ќе учествуваат владата, претседателот на Молдавија и претставници на 21 европска амбасада.

На луѓето кои имаат намера да го прослават Денот на победата сè уште не им е понудено никаква алтернатива.

„Најверојатно ќе се обидат да нè турнат на најблиските улици, создавајќи ризик да бидеме згазени“, вели Петрович.