Македонскиот олимписки комитет и го честиташе историскиот успех на фудбалската репрезентација и пласманот на Европското првенство.

Новиот претседатле на МОК, Даниел Димевски на Фудбалската федерација на Македонија и го честита успехот кој фудалерите го направија.

„Најдобрите македонски фудбалери изгинаа на теренот, го одиграа најдобриот натпревар во овие квалификации, токму кога беше најпотребно! Сите со срце поголем од најголемата планина, мудро, умно и со големо знаење и неверојатна смиреност, одлучност, сигурност и самодоверба се изборија за свое место во историјата на македонскиот спорт! Честитки момци, само гордо напред и со победа го започнеме Европското првенство! Најдобри сте!!!“ порача претседателот на МОК Димевски.

Македонскиот олимписки комитет информира дека капитенот на репрезентацијата, Горан Пандев ќе биде прогласен за олимписки великан на МОК за остварените резултати и 20-годишната афирмација на македонскиот спорт низ светот.

„Фудбалска репрезентација на Македонија на Европско првенство! Горан Пандев – Олимписки великан на МОК. Претседателот на МОК, м-р Даниел Димевски, испрати искрени честиткки до претседателот на Фудбалската федерација на Македонија, Муамед Сејдини за историскиот успех и изборениот пласман на Европското првенство во фудбал 2021! Во исто време, заради извонредните врвни спортски резултати и 20 годишна меѓународна афирмација на македонскиот спорт, Горан Пандев ќе биде прогласен за Олимписки великан на МОК!“ објавија МОК.