Во вторникот се одржа ревијата во организација на модниот бренд „Louis Vuitton“ во Париз на која големо внимание привлече Џорџина Родригез (26), свршеницата на Кристијано Роналдо.

Од тогаш не престана да се зборува за нејзината модна комбинација. Џорџина успеа да ги „сврти“ модните критичари кон себе со само еден стајлинг. Но, коментарите за нејзиниот избор на стајлинг беа поделени.

Додека некои коментираа дека Џорџина овој пат не успеала да направи соодветна комбинација, други ја пофалија нејзината фигура и едноставниот избор на шминка и фризура.

Џорџина се појавила облечена во кафеав мантил и црвени салонки, со минимална шминка и едноставна фризура. А стајлингот го „финиширала“ со црвена коцкеста чанта.

Иако секое парче од нејзината гардероба чини цело богатство, одредени модни критичари коментираа дека Џорџина воопшто не била креативна во нејзиниот избор.

„Дали има нешто под овој капут? Одамна не сме виделе толку лошо стилизирана жена“, беа дел од негативните коментари на модните критичари.

„Ваков модел и оваа должина на мантил во никој случај не е за нејзината фигура“, „Барем можела да си направи подобра фризура“, „Стајлинг без трошка креативност, разочарана сум“ се само дел од коментарите што се појавија на социјалните мрежи.

Џорџина Родригез веројатно била задоволна со сопствениот изглед, од фотографиите се гледа дека уживала во вниманието од присутните за време на ревијата.

На крајот од денот секогаш е најважно човек да се чувствува удобно и смело во облеката што ја носи, независно од коментарите на другите.