Попладнево, во Министерството за надворешни работи и надворешна трговија беше повикан вонредниот и ополномоштен амбасадор на Руската Федерација во Македонија, Сергеј Баздникин, соопшти МНР.

„Притоа, на рускиот амбасадор му беше врачена протестна нота со која се изразува силна осуда и протест за нанесената материјална штета од ракетниот напад на руските армиски сили врз Киев, при кој беше погодена и Амбасадата на Македонија“, пишува во соопштението од Министерството.

Во рускиот напад врз Киев беше погодена зграда во која се просториите на шест амбасади. За среќа, во нападот немаше повредени дипломатски претставници. Од МНР претходно известија дека вработените во амбасадата денеска извршиле проценка на причинетата штета.

Ракетирана македонската амбасада во Киев