Дваесет и четири годишната ММА ѕвезда Анастасија Лучкина, неодамна наиде на осуда од фановите но и од организацијата за заштита на животните „Пета“, откако објави видео на кое се гледа како му дава на орангутан да пуши вејп во Сафати паркот Тајган.

На видеото се гледа како прво таа повлекува еден дим од вејпот а потоа му го подава на шимпанзото преку жичената ограда.

Инцидентот се случил додека Русинката била во Сафари паркот Тајган во Крим.

Анастасија сега се соочува со жестока реакција од фановите на ММА за нејзините постапки.

„Тоа е злоупотреба“, „Ид*от на ид*отите“, „Што не е во ред со луѓето“, „Одвратно однесување, не треба да ѝ се дозволи повторно да се бори“, „Оставете го животното на мир!“, беа само дел од коментарите на социјалните мрежи.

Извештаите тврдат дека орангутанот е во ред откако му е даден вејпот. Исто така се наведува дека на Лучкина ќе ѝ биде издадена казна и забрана да влезе во сафари паркот.

Потпретседателката на „Пета“, Мими Бекечи, ја „нападна“ Лучкина за нејзините постапки и ги предупреди луѓето за „негрижата“ во сафари паркот.

Таа за „Сан“ изјави:

„Анастасија Лучкина сигурно добила  премногу удари во главата ако не мисли дека е глупост да му даде вејп на орангутан. Ова е кршење на благосостојбата на овој интелигентен, нежен мајмун. Сафари паркот Тајган има шокантна евиденција за небрежност, вклучително и дозволување на персоналот и туристите да влезат во лавовското трло, што веќе резултираше со еден фатален напад и повредени две други лица, како и земање пари за да им се дозволи на посетителите да се фотографираат додека ракуваат со диви животни. Секој што се грижи за заштитата на животните треба да ги поддржува програмите за зачувување на нивните природни живеалишта, каде што можат да уживаат во природното однесување и да ги отфрлат игрите со чувствителните животни кои служат за смеа на социјалните медиуми.“