Женската кошаркарска репрезентација на Македонија до 20 години доживеа убедлив пораз на стартот од ФИБА Челенџер турнирот кој се игра во Скопје. Подобри од избраничките на селекторот Саша Димитријевиќ беа кошаркарките на Луксембург кои славеа со 79:55.

Во првото полувреме се играше израмнета кошарка и на одмор Луксембург замина со предност од пет поени (29:34). И третата четртина помина во израмнета игра, но затоа во последните 10 минути, голем пад во играта на избраничките на селекторот Димитријевиќ кои постигнаа само 12 поени, додека противникот даде 28 поени за убедлив триумф од 79:55.
Тијана Митрева постигна 16 поени, додека Тасевска и Секуловска дадоа по 10 поени.
Во второто коло кое ќе се игра утре, кошаркарките од 21 часот се среќаваат со селекцијата на Романија.