Младинската репрезентација на Македонија го освои осмото место на Европското првенство Б дивизија што се одржува во Тбилиси, Грузија. Во натпреварот за седмото место, кошаркарите загубија до Бугарија со 64:69

Се играше израмнето до крајот на првата четвртина во која избраниците на селекторот Никола Василев успеаја да ја анулираат негативата од пет поени (16:21) и на дојдат до 21:21.

Но проблемите во играта беа забележливи во наредните две четвртини во кои бугарските кошаркари направија солидна предност. До одморот имаа водство од (43:38), за на истекот на третата, тоа да биде скоро удвоено, (60:51).

И покрај сите слаби моменти во играта, кошаркарите во финишот успеаја резултатски да се вратат во игра и на при резултат 64:67 на 11 секунди до крајот Хот не успеа да ги реализира двете слободни фрлања по што Костадинов погоди за конечни 64:69.

Миловановиќ со 18 поени и девет скокови беше најдобар во нашата репрезентација, Савичевиќ даде 15 поени, а Хот имаше дабл-дабл од 10 поени и 13 скокови.