Нашиот национален тим „Под 18“ години стигна до првиот триумф во периодот на подготовките, славеше со резултат (67:62)

Машката јуниорска репрезентација на Македонија одигра уште еден контролен натпревар во периодот на подготовките и во Гевгелија бевме домаќини на Швајцарија.

Сосема добар почеток на проверката во Гевгелија имаше нашиот национален тим „Под 18“. Во воведните десет минути направија предност од (22:15) избраниците на селекторот Горан Андреевски. Добрата игра ја продолжија и во втоориот период, во кој успеаја таа разлика да ја зголемам, односно на полувремето, нашиот јуниорски тим имаше  предност од 16.поени (38:22).

Во продолжението доста поизрамнета игра, во која Швајцарците успеаа да одржат каква-таква резултатска рамнотежа, односно по три одиграни четвртини, Македонија водеше со резултат (56:43).

На почетокот од последниот дел, гостите од Швајцарија се доближија, имаа и негатива од само шест поени (54:60), која ја забележаа во 34.минута од играта.  Имавме одговор за тој напад на противникот, на 3:20 минути пред крајот, поведовме со (66:58).

А последните 60 секунди од оваа проверка дветте селекции ги дочекаа со резултат (66:61). Но реализираа само по еден поен, па победтаа остана за нашата јуниорска селекција, за нив прва во подготвителниот период, по поразите во дуелите со Црна Гора и со Романија (на гостински терен).