22-годишен жител на тетовското село Селце вчера бил уапсен откако по него била распишана потерница за кривичното дело „Мачење животни“, соопшти МВР.

„На 01.09.2025 во 16:00 часот во с.Селце, тетовско, полициски службеници од СВР Тетово го привеле Л.Х.(22) од с.Селце, кој бил баран по потерница врз основа на судска наредба за издржување затворска казна за сторено кривично дело по член 233 став 1 од Кривичниот законик. Тој бил спроведен во Казнено- поправната установа Затвор Тетово за издржување на казната“, пишува во полициското соопштение.

Членот 233 став 1 од КЗ гласи:

„Тој што грубо злоупотребува животно или го изложува на непотребни маки или му нанесува непотребни болки или заради изживување го изложува на страдање, ќе се казни со парична казна или со атвор до шест месеци.“