Мизрахи: Фондот за здравствено осигурување ќе покрива до шест обиди за ин-витро оплодување
Со измените на законот за здравствено осигурување, храбро се исправиме пред еден длабоко личен, често тивок, но болен проблем. – Неплодноста. Зборуваме за надеж. За живот. За семејство. Од сега, до шест обиди за ин-витро оплодување ќе бидат покриени од Фондот за здравствено осигурување, нешто што досега беше незамисливо за многу семејства, најави пратеничката на ВМРО-ДПМНЕ, Рашела Мизрахи.
Препорачано
– Законските измени, предложени од страна на парламентарното мнозинство, отвораат ново поглавје за илјадници граѓани кои со години се борат со неплодноста. Претходно, само првите три обиди за ин витро беа покривани од државата. Но реалноста покажува дека често се потребни повеќе. Медицината не е универзална формула – таа е индивидуален пат. И ние како држава мораме да го препознаеме тоа – додаде таа.
Со измените на законот, вклучени се различни типови на БПО процедури, вклучително и: со сопствени (автологни) репродуктивни клетки, со донорски (алогенеични) ембриони, јајце-клетки или сперма.
Како што најави Мизрахи, се воведува и поедноставена електронска процедура за поднесување барања.
