Во третата епизода на поткастот Митови и факти ќе можете да го проследите гостувањето на скопскиот адвокат Рахамин Мизрахи, поранешен претседавач на УО на Еврејската заедница во Македонија.

>

Тој воедно е истражувач на холокаустотот од Аушвиц, Институтот за мир и реконсилијација и дава едно ново светло на поморот на Евреите, но и на Словените и Ромите во германските логори на смртта за Втората светска војна.

Мизрахи објаснува и дека „финалното решение“ на нацистите за еврејската популација во Европа, има своја длабока генеза во историјата.

– Холокаустот не започна 41-ва и 33-та, тоа е многу стара работа. Тоа е уште од старите цивилизации со уништувањето на првиот и вториот храм итн. Меѓутоа мислам кулминира и се врамува во периодот на Втората светска војна, односно пред Втората светска војна. И тука доаѓаме до идеја да разговараме за конгеренцијата во Ванзе, којашто е одржана на 20.01. 1942, а која ја предводи директорот на Канцеларијата за безбедност, Рајнхард Хајнрих – вели тој.

Целиот разговор ќе може да го проследите на јутјуб-каналот на Слободен печат, со почеток од 20 часот.