Сотирис Минас за себе вели дека e Грк и по татко и по мајка, но свесен е за факот дека во Северна Грција имало и има македонско население коешто говори на македонски јазик.

– Мојот заклучок беше тоа дека има еден народ, имаше и има или имало и има еден народ во Северна Грција во Македонија – егејски Македонци, кои беа принудени прво со перење мозок да станат или Бугари или Грци и зборувам за османлискиот период – вели Минас.

Поради својот став за Македонците, тој бил приморан да го напушти родниот Солун и да се пресели во Атина, каде анимозитетот кон т.н. „македонско прашање“ е далеку помал.

Во Митови и факти тој говори за тоа како дознал за „македонската вистина“ но дава и прецизна слика за во каква состојба е грчкото општество и неговата подготвеност за објективно согледување на историјата.