Мистериозен проект: Познат милијардер гради империја вредна 45 милијарди долари
Семејната канцеларија на Ник Сторонски, коосновач на финансиската компанија Револут (Revolut), тајно развива мрежа од луксузни вили низ целиот свет. Новиот проект, наречен „Утопија Дизајн“, е дел од плановите за влез во секторот за луксузен туризам. Утопија е основана во 2023 година и е опишана како „авангардно архитектонско биро“ и инвеститор во недвижности чија мисија е да создаде „уникатни искуства на уникатни локации“. Според огласите за работа, компанијата дизајнира и гради вили кои ја спојуваат иновативната архитектура со природната средина, нудејќи „ненадминат луксуз“.
Препорачано
Проектите вклучуваат изградба на имоти во Шпанија, Бразил и Доминиканската Република, а единствената очигледна врска помеѓу овие локации е тоа што сите се во близина на популарни дестинации за „кајтсурфинг“, голема страст на Ник Сторонски- објави Каматица.
Иако компанијата не ја споменува експлицитно својата врска со милијардерот, истите регрутери објавија работни места и за Утопија и за семејната канцеларија на Сторонски. Покрај тоа, адресата на Утопија е иста како и адресата на канцеларијата на Сторонски и неговиот фонд Quantumlight.
Официјалната веб-страница на Утопија моментално го прикажува само натписот „наскоро“ и линк до десетици отворени работни места.
Дополнително, Утопија беше ангажирана во реновирањето на вилата на Сторонски во Лондон, која ја купи во 2019 година за 25 милиони долари. Онлајн поднесоците покажуваат дека Сторонски поднел барање за проширување на вилата, вклучително и ископ на подрумот за теретана, сауна, подземен базен и „соба за паника“.
Revolut, основан од Сторонски во 2015 година, моментално работи во 38 земји и нуди широк спектар на финансиски услуги. Компанијата неодамна започна да вработува персонал со искуство во управувањето со средства, со цел да се натпреварува со приватните банки.
Во август 2024 година, „Револут“ беше проценет на 45 милијарди долари, а тие пријавија нето добивка од 1 милијарда долари во претходната година. Ник Сторонски, чие богатство се проценува на 7,9 милијарди долари, продаде акции во вредност од над 400 милиони долари.
