Менаџментот на уште еден хотел одлучи да го отстрани бројот 420 од собата и да постави плочка со ознаката 419 + 1. Тоа го потврди вирална објава на Редит, чиј автор за жал во описот на фотографијата не споменал каде наишол на овој пример.

Многумина од корисниците останаа зачудени и претпоставуваа дека причината е суеверие или нешто слично.

Сепак, точниот одговор ги изненади бидејќи други корисници на социјалната мрежа во коментарите им објаснија дека луѓето постојано ги крадат ознаките со бројот 420!

Се прашувате зошто? Затоа што бројот 420 го обожаваат оние кои консумираат марихуана.

Корисниците на лесни дроги не можат да им одолеат на таблите со бројот „420“ до тој степен што во државата Колорадо едноставно дигнале раце од истакнување на таа бројка, па јавноста го забележува случајот и од автопатот И-70, каде што своевремено беше поставен сообраќајниот знак „419,99“ (која го означувала бројот на поминати милји).

„Меѓутоа, луѓето го украдоа и тоа, па денес таму веќе нема никаков знак“, потврди изворот.

Мистеријата 420: Како тинејџерската шифра стана глобален феномен

Постојат малку бројките кои носат такво значење како бројот 420. Дури и 20 април стана неофицијален празник за љубителите на канабис ширум светот. Како оваа бројка стана синоним за марихуана? Приказната е изненадувачки едноставна, а своите корени ги влече од Калифорнија во седумдесеттите години.

Валдос и потрагата по изгубеното богатство

Легендата за 420 започнува со група од пет средношколци од Сан Рафаел.

Стив Капер, Дејв Редикс, Џефри Ноел, Лери Шварц и Марк Гравич, познати како Валдоси (бидејќи се собирале на ѕидот пред училиштето wall-ѕид), слушнале за некоја напуштена плантажа со канабис и набавиле мапа за потрага по „богатството“.

Секој ден по училишните активности и спортските тренинзи, друштвото се состанувало во 4:20 часот кај статуата на Луј Пастер пред училиштето и тргнувало во потрага, но иако никогаш не го пронашле насадот, фразата „4:20“ станала нивна внатрешна шифра за консумирање марихуана.

„420“ на крајот еволуирал во шифра што тинејџерите почнале да го користат за пушење марихуана.

Состаноците на статуата на Луј Пастер во 4 часот и 20 минути станаа ритуал, а „420“ тогаш беше тајната лозинка.

Како шифрата на неколку тинејџери стана глобално препознатлива?

Клучната улога ја имал легендарниот бенд „Grateful Dead“. Братот на Дејв Редикс работел како техничар на бендот, што им овозможило на Валдоси пристап до бекстејџот и пробите. Преку дружење со бендот и нивните фанови, терминот „420“ почнал да се шири.

Пресвртот дојде во 1990 година, кога група фанови на „Grateful Dead“ во Оукленд делеа флаери со кои ги повикуваат луѓето да се соберат и да запалат „420“ на 20 април во 4:20 часот.

Еден од тие летоци стигнал до Стивен Блум, тогашен репортер на магазинот „Хај Тајмс“, авторитет за културата на канабисот. Списанието го објавило флаерот во 1991 година и продолжило да го користи бројот, со што „420“ стана светски познат како шифра за марихуаната.

Во исто време, во 1998 година, High Times ги призна Валдоси како татковци на таа шифра.