Палеонтолозите веруваат дека тираносаурусот, познат како ти-рекс, бил најстрашниот и најкрволочниот диносаурус кој некогаш живеел. Тој бил брз грабливец, а, веројатно, и најголемиот месојадец што живеел на нашата планета. Единствениот дел кој не одговарал на неговата појава биле кратките предни нозе. Научниците велат дека оваа физичка карактерисика била присутна кај повеќето двоножни ѕвероноги, пишува „Национална географија“.

Прашањето е – зошто им служеле?

Биологот Џон Хаџинсон, кој го проучува движењето на големите копнени животни, објаснува дека за време на еволуцијата на ѕвероногите, нивните предни нозе, всушност, не станале пократки, туку нивните задни нозе станале подолги. Со други зборови, со текот на времето, тираносаурусите се прилагодиле за т.н. специјализиран лов, поради што им била потребна поголема глава и задни нозе за да го уловат пленот. Интересен факт е дека денешните комодски варани го ловат својот плен на сличен начин.

Примамливо е да се претпостави дека секоја особина што ја поседува животното има некаква еволутивна улога. Во овој случај, таа карактеристика, односно должината на предните нозе, немала специфична улога, додека другите делови од телото му пораснале до колосални големини за да му помогнат да преживее во својата средина.

Сепак, Хаџинсон не ја исклучува можноста научниците еден ден да најдат некоја друга причина за овој еволутивен процес кај двоножните динорауруси.

Речиси половина од Американците веруваат дека диносаурусите сè уште шетаат по Земјата