Министерството за правда на САД води истрага околу стечајот на Archegos Capital
Министерството за правда на САД води истрага за фондот Archegos Capital Management на Бил Хванг, објави денеска Блумберг. При крајот на март фондот објави стечај што предизвика загуби од околу 10 милијарди долари.
Препорачано
Според агенцијата, обвинители на Менхетн испратиле прашања до некои банки кои работеле со инвестицискиот фонд. Притоа, изворите не прецизираат за какви нарушувања се сомничи фондот.
Според објавите од март годинава, Archegos Capital Management потпишал стечај поради барања за маржи, по што низа крупни банки ги продале пакетите акции на овој фонд. Тоа предизвика стрмоглав пад на рејтинзите на компаниите со кои преку фондот управувал финансиерот Бил Хванг.
Компании, како и хартиите од вредост, кои учествуваа во распродажбата како ViacomCBS, Discovery, Baidu и други ИТ и медиумски компании од САД и Кина изгубиле вкупна капитализација од 33 милијарди долари. Потоа, банките Credit Suisse Group и Nomura Holdings соопштија дека може да претрпат значителни финансиски загуби.
Веќе е познато дека кон крајот на март истражни постапки околу работата на фондот започнаа Комисијата за хартии од вредност и тргувања на берзите (СЕК), Управата за контрола на финансиската индустрија (ФИНРА) како и британската Управа за финасиски надзор (FCA).
