Припадници на вооружената милиција КОДЕКО на североистокот на Конго убиле најмалку 12 лица за време на нападот на кампот за раселени лица, потврди денеска армискиот портпарол, а некои граѓански здруженија објавија дека бројот на убиени е значително поголем.

„Бегајќи од редовните армиски единици, милитантите на КОДЕКО упаднаа во селото Дродро во провинцијата Итури и убија шест деца, четворица мажи и две жени”, изјави портпаролот на воената влада, Жил Нгонго.

Нгабу Лиџа Крисанте, свештеник и координатор на католичката добротворна организација Каритас во Итура, рече дека неговите колеги на терен виделе тела на 35 лица кои загинале во нападот на КОДЕКО.

Организацијата Kivu Security Tracker, која го мапира насилството во Конго, соопшти дека во Дродр и околните села биле пронајдени 107 тела.

Извор: МИА