Британските актери Мили Боби Браун и Хенри Кавил глумат брат и сестра во новиот филм „Enola Holmes 2“, но зад камерите не постои братско-сестринско ривалство меѓу нив.

Во разговор за „Дедлајн“, Браун открила дека тие веднаш станале добри пријатели, иако Кавил е постар од неа 21 година.

„Јас се чувствувам како возрасна личност со Хенри. Тоа е зрело пријателство. Имаме навистина добар пријателски однос, навистина здрав, во кој ги знаеме границите“, изјавила 18-годишната актерка.

 

View this post on Instagram

 

A post shared by Millie Bobby Brown (@milliebobbybrown)

„Јас го познавам Хенри. Тој има свои услови. На пример, не ми е дозволено да го испрашувам за неговиот приватен живот. Тој на тоа би реагирал со: ‘Мили, молчи. Не.’, а јас би му вратила со: ‘Разбирам’“, вели Браун.

Нејзиното пријателство со Кавил е поинакво од она што го има со колегите од телевизиската серија „Stanger Things“ – Фин Вулфхард, Гартен Матарацо, Халев Меклафлин и Ноа Шнап. На пример, Браун и Шнап имаат договор дека ќе се венчаат ако се сѐ уште сингл на 40 години.

„Со децата од ‘Stranger Things’ е поинаку. Нема граници бидејќи сите сме како браќа и сестри. Но, Хенри е многу строг со мене, што го ценам“, изјави Браун за нејзините познати пријатели, правејќи паралела со односот што го има со значително постариот колега.