Селекторот на фудбалската репрезентација на Македонија, Благоја Милевски го објави списокот на фудбалери за натпреварите со Малта и Фарски Острови.

Македонија на 23-ти март ќе игра против Малта со која ги започнуваме квалификациите за Европското првенство во Скопје, а четири дена подоцна во слободниот термин во пријателска средба ќе ни гостуваат Фарски Острови.

Дебитантски повик во сениорската репрезентација доби Давор Здравсковски од АЕЛ Лимасол. Поради слаба минутажа тука не се Стефан Спировски и Бобан Николов, додека Серафимов и Костадинов се повредени. Повратник во репрезентацијата е десниот бек на Шкупи, Владица Брдаровски.