Фудбалската репрезентација на Македонија утре од 15:00 часот во Торшван ќе го игра првиот натпревар од новото издание во Лигата на Нации, а денеска селекторот Благоја Милевски ја одржа прес-конференцијата пред овој дуел.

Милевски пред овој дуел истакна дека Македонија не ја чека лесен натпревар и дека мораме да го дадеме максимумот, ако сакаме да стигнеме до позитивен резултат.

„Не очекувам лесен натпревар, ова е прв во Лигата на Нации и секој прв е тежок. Не чека дисциплиниран противник и имаме голема почит кон Фарски Острови и противниците. Имаме цел да завршиме на првото местро во групата. Мораме да одиграме на највисоко ниво, во минатото издание ја победија Турција и тоа не е мала работа“, изјави Милевски.

По натпреварот против Фарски Острови, Македонија на 10 септември ќе ја пречека Ерменија во Скопје.

Барди: Имаме играчи кои потпишаа за големи клубови, атмосферата е одлична