Францускиот напаѓач, Кристофер Нкунку (27) потпиша договор со Милан до 30 јуни 2030 година и ќе го носи дресот со број „18“.

Италијанскиот клуб го донесе Нкунку од Челси за сума од 38 милиони евра, плус можни бонуси, пренесува „Газета дело спорт“. Францускиот фудбалер ги мина претходните две сезони во редовите на Челси, каде на 62 натпревари постигна 18 голови. За француската репрезентација има 14 настапи во кои постигна еден гол.

Во текот на кариерата Нкунку беше дел уште од Лајпциг и Пари Сен Жермен.