Мила Рељиќ утре ќе го има дебито на Олимписките игри во Париз, а на денешниот ждреб македонската претставничка немаше многу среќа.

Противничка на Рељиќ во борбата закажана за 12 часот ќе биде Британката Џејд Џонс.

Џонс е трета носителка на турнирот, но и двократна олимписка шампионка од игрите во 2012 и 2016 година. Успеа да ја освои и светската титула во 2019 година. Освои и три трофеи на Европските првенства.

„Џејд Џонс е двократна олимписка шампиона, има светски и европски медали, но тоа не ме обесхрабрува, туку ми дава поголем мотив да дојдеме до медал“, порача Рељиќ по ждрепката.