Данската ракометна ѕвезда Микел Хансен, трикратен светски шампион, во средата објави дека ќе се пензионира ова лето, по Олимпијадата во Париз која ќе се одржи од 26 јули до 11 август.

– Ова лето е вистинско време да ги закачам патиките, сè додека сум целосно ангажиран во она што го работам – изјави 36-годишната ракометна легенда на прес-конференција.

Кариерата ја започна во ГОГ Хандбал, а потоа продолжи во Барселона, Копенхаген, во ПСЖ за кој настапуваше 10 години, а сега последните две игра за Алборг.

Со репрезентацијата на Данска освои три светски злата, и по едно европско и олимписко.

Тој постигна 1.350 гола на 266 натпревари за Данска, вклучувајќи ги и 296 на Европското првенство, што го прави најдобар стрелец на сите времиња на ова натпреварување.