Американската технолошка корпорација „Мета“ потпиша договор со „Констелејшн енерџи“ за купување на 1,1 гигават нуклеарна енергија од електраната „Клинтон“ во сојузната држава Илиноис, почнувајќи од јуни 2027 година.

Договорот, кој ќе важи 20 години, го опфаќа целото производство на постојниот реактор и ќе овозможи продолжување на работата и повторно лиценцирање на електраната, која без договорот би била во опасност од затворање.

Ниедна од компаниите не ги откри точните финансиски услови, но договорот вреден повеќе милијарди долари ќе ѝ помогне на „Констелејшн“ повторно да ја лиценцира електраната и да гарантира купувач за времетраењето на продолжувањето на лиценцата, објави „ТекКранч“.