
Меси против Мбапе – финале од соништата за Катар
Во пресрет на финалето на Светското првенство во Катар меѓу Аргентина и Франција кое ќе се игра в недела од 16.00 часот, сите погледи се вперени кон две суперѕвезди – капитенот на „гаучосите“, Лионел Меси и напаѓачот на „триколорите“, Килијан Мбапе, кои доминираа со своите игри и голови досега.
Препорачано
Многу експерти се согласуваат дека ова е момент за историјата. Еден од најдобрите фудбалери на сите времиња, Меси на 35 години сака да го освои единствениот трофеј што му недостига, додека Мбапе има шанса да ја освои втората титула светски шампион пред својот 24 роденден, како Бразилецот Пеле во 1962 година.
Lionel Messi at 23 vs Kylian Mbappé at 23:
– Games: 269 vs 302
– Goals: 180 vs 222
– Assists: 82 vs 111
– Major Honours: 11 vs 12 pic.twitter.com/gITpGF2Okr— SPORTbible (@sportbible) December 17, 2022
Двајцата се на врвот на табелата со по пет гола. Интересно, и двајцата играат за ПСЖ во Париз, кој е во сопственост на катарската компанија „Катар спортс инвестментс“, предводена од Насер Ал-Келаифи. Затоа, не е чудно што пресметката меѓу Меси и Мбапе е финале од соништата за Катар.
– Горд сум што ги имам двајцата играчи, двајцата најдобри во светот, кои ќе играат во финалето во мојата земја, тоа е најдоброто сценарио – изјави за „РМЦ“, претседателот на ПСЖ, Насер Ал-Келаифи.
????Argentina vs France Head to Head Records;
?️12 games
??6 wins
??3 wins
?3 draws?1930??0-1??
?️1965??0-0??
?️1971??3-4??
?️1971 ??2-0??
?️1972??0-0??
?️1974??0-1??
?️1977??0-0??
?1978??2-1??
?️1986??2-0??
?️2007??0-1??
?️2009??0-2??
?2018??4-3??#FIFAWorldCup|#ARG|#FRA pic.twitter.com/FDkHf8hrZO— FIFA World Cup Stats (@alimo_philip) December 17, 2022
Запрашан за кого ќе навива во финалето, Ал-Келаифи не сакаше да коментира.
– Ние сме француски клуб и мојата втора земја е Франција, а за Меси тоа може да биде последно светско првенство. Килијан кој ќе игра второ финале по ред е навистина одличен. Докажува дека е најдобриот играч на денешницата. Што се однесува до мене, титулата би ја доделил и на двајцата – вели претседателот на ПСЖ во чии редови настапува уште една голема ѕвезда, Бразилецот Нејмар.
– Бев многу тажен, сакав како навивач полуфинале помеѓу Бразил и Аргентина. Сите го чекаа овој натпревар – се зборовите на Ал-Келаифи.
Повеќето медиуми се согласуваат дека „Меси против Мбапе е финале од Светското првенство од соништата“ за катарскиот емир Тамим бин Хамад Ал Тани. Катар инвестираше неверојатни 200 милијарди долари во организацијата, што го прави најскапото Светско првенство во историјата. Ова е околу 20 пати повеќе од цената на претходното Светско првенство што се одржа во Русија пред четири години. Катарците добија спектакл за финале.
СП 2022 | Тасевски: Франција е мал фаворит против Аргентина, двата тима се практично изедначени