Лионел Меси е при крајот на својата фудбалска кариера, но голем дел од спортската јавност го смета за еден од најдобрите играчи во историјата на спортот.

Меси стана професионалец во 2004 година кога дебитираше за Барселона и оттогаш стана еден од најдобрите на сите времиња. Тој освои рекордни осум „Златни топки“, четири титули во Лигата на шампионите и Светското првенство со Аргентина.

Меси успеа да постигне 91 гол во 2012 година, што е најмногу голови постигнати од еден играч во една календарска година. Наводно ќе го продолжи договорот со Интер Мајами за уште една година, а прашањето останува дали ќе се пензионира од фудбалот после тоа или ќе продолжи да игра.

Во текот на својата кариера, Меси имал можност да игра со или против некои од најголемите фудбалери во светот, како што се Иниеста, Тиери Анри, Кристијано Роналдо, Нејмар, Вејн Руни и многу други. Но, ниту еден од нив не е за Меси најдоброто во што некогаш го видел да игра.

За Меси, тоа е легендарниот играч на Реал Мадрид – Роналдо Назарио.

– Роналдо Назарио беше феномен. Од сите напаѓачи што сум ги видел, тој е најдобар за мене. Импресивен играч од секој аспект – рече Меси.