Со ремито 1:1 против Стразбур, ПСЖ стигна до 11. трофеј во француското првенство, а во овој натпревар историја испиша кој друг ако не Лионел Меси.

Меси беше стрелец на единствениот гол за својот тим и тој беше негов 496. во најсилните европски лиги. На врвот на листата Меси го надмина Кристијано Роналдо кој остана зад него со еден гол помалку.

Аргентинскиот фудбалер голот го постигна по асистенција од Килијан Мбапе за водство од 0:1. До крајот Стразбур успеа да израмни и тој резултат се покажа како конечен.

Кога е Меси во прашање, можеби ја игра последната сезона во Париз со оглед дека влезе во отворена „војна“ со навивачите помеѓу кои не е пожелен. ПСЖ до крајот ќе одигра уште еден натпревар против Клермонт на домашен терен.