И Бошњачки демократски сојуз со свој кандидат за претседател за прв пат во историјата. Нивен кандидат ќе биде Мерсиха Смаиловиќ, правничка и граѓанска активистка.

Мерсиха дипломирала на Универзитетот Св. Кирил и Методиј на Правниот факултет, а моментално магистрира Меѓународно право на истиот универзитет.

Била вклучена во неколку иницијативи за измени на закони и правилници во државава.

Таа е алумнистка на американската организација „Vital Voices“ која е основана од Хилари Клинтон која има за цел едукација и поддршка на жените во политиката.

Мерсиха е родена во Скопје, мажена и мајка на две ќерки.

Таа е сопственичка на компанијата за финансиски и правни услуги „НАХЛА КОНСАЛТИНГ“ каде моментално е со редовен работен ангажман.