Тројца луѓе се повредени во тешка сообраќајна несреќа која се случила вчера во Скопје, кога се судриле „Мерцедес“ и комбе „Ситроен“, информираат од МВР.

„На 18.06.2025 околу 9 часот во СВР Скопје било пријавено дека на ул.„Горно Лисиче“ во Скопје се случила сообраќајна несреќа помеѓу патничко возило „мерцедес“ со скопски регистарски ознаки, управувано од Љ.С.(59) од Скопје и товарно возило „цитроен“ со прилепски регистарски ознаки, управувано од В.Т.(26) од Скопје. Во несреќата со тешки телесни повреди се здобила сопатничката во патничкото возило „мерцедес“, Ж.С.(56), додека двајцата возачи се здобиле со телесни повреди, констатирани во Комплекс клиники „Мајка Тереза“ Скопје и Градската општа болница „Св.Наум Охридски“ Скопје. Извршен бил увид од увидна екипа на СВР Скопје“, пишува во полицискиот билтен.