Канцеларот на Германија, Фридрих Мерц (CDU) изјави дека испораката на крстосувачките ракети „таурус“ на Украина е сè уште „во доменот на можности“, но не даде конкретна потврда кога би можела да се донесе конечната одлука.

Во интервју за германскиот ZDF, Мерц рече дека не ја исклучува испораката, но нагласи дека употребата на овие напредни ракетни системи бара месеци обука од страна на украинските војници.

„Секогаш сме велеле, а тоа го нагласив неколку пати, дека „таурус“ бара неколкумесечна обука за припадниците на украинските вооружени сили“, рече канцеларот.