Холивудската ѕвезда Мег Рајан, во знак на признание за нејзиниот исклучителен придонес во филмската уметност, го доби признанието „Почесно срце на Сараево“ на 30. Сараевски филмски фестивал (СФФ). Наградата ѝ беше врачена во летното кино „Кока-кола“.

– Ви благодарам на вашите срца. Ви благодарам на вашиот пример. Тоа е Сараево. Тој има повеќе смелост од другите. Сега, секој, кај и да е, кој трпи секаков вид насилство или угнетување и се чувствува осамено, може да се угледа на ова место и на вас како пример. Вие сте доказ дека различноста е моќ и дека уметноста е нешто поради што треба да се чувствувате помалку осамени и дека уметноста нè поврзува без никакви бариери. Нема одвојувања. Уметност, а не војна – рекла Мег Рајан, пренесува „Аваз.ба“.

Инаку, холивудската вчера се претстави во програмата „Мастерклас“ што ја модерира босанскиот режисер, оскаровецот Данис Тановиќ.

– Мило ми е што сум овде, почестена сум што присуствувам, навистина ми е чест што сум овде со вас – рекла Рајан на почетокот на програмата.

Мастеркласот беше посебна можност да се добие увид во клучните аспекти на кариерата на Мег Рајан и нејзиниот нов филм „Што се случува подоцна“ („What Happens Later“), кој исто така ќе биде прикажан на фестивалот.

Потоа раскажала како, всушност, почнала да глуми и како станала актерка.

– Јас всушност бев студент по новинарство и секако морав да ги плаќам трошоците во текот на факултетот и ете тогаш некако го започнав својот актерски живот. Јас сум, всушност, актерка без формално актерско образование и учев полека и попатно – рекла Рајан, при што истакнала дека глумата секогаш и постојано се учи.

ФОТО+ВИДЕО | Што се случува со лицето на Мег Рајан? Се упропастила, целосен хаос, вели пластичниот хирург