Вицепремиерот и министер за животна средина и просторно планирање, Изет Меџити, се сретнал со делегација на Стопанската комора Македонија – Турција (МАТТО) предводена од нејзиниот претседател Ајдоган Адемоски со соработници, соопшти кабинетот на Меџити.

„На средбата беше истакната одличната соработка меѓу Република Северна Македонија и Република Турција на полето на бизнисот, културата, економијата и многу други области. Меџити на средбата рече дека двете влади имаат за цел да ја зголемат трговската размена меѓу двете земји, како и да ги поттикнат турските компании да инвестираат во Република Северна Македонија. Двете страни ја потврдија важноста на трговската соработка меѓу двете земји и ја истакнаа нејзината важност за двете економии. Меџити на средбата повтори дека турските инвестиции во нашата земја се одлична можност уште еднаш да се истакнат силните врски меѓу Северна Македонија и Турција и дека економската соработка меѓу двете земји донесе многу придобивки и помогна да се отворат работни места, а исто така придонесоа за стабилноста и економски раст на Северна Македонија“, се вели во соопштението.