Заменик-претседателот на рускиот Совет за безбедност Дмитриј Медведев, коментирајќи ја атмосферата на паника поради појавата на беспилотни летала во Европа, денес изјави дека Европејците можеби ќе разберат што е војна кога „директно ќе ја почувствуваат опасноста од војна“.

Рускиот функционер, исто така, коментираше за постојните теории за тоа чии беспилотни летала би можеле да бидат забележани во Европа, објави РИА Новости, пренесе Танјуг.

„Главната работа е што тесноградите Европејци директно ја доживуваат опасноста од војна. Тогаш ќе бидат исплашени и ќе треперат како стадо што се води на колење“, напиша Медведев на својот Телеграм канал.

Тој додаде дека Европејците можеби тогаш ќе разберат што е војна и „ќе им ги отсечат главите на своите лудаци како Мерц и Макрон кои заработуваат пари и политички поени со крвопролевање“.