Помошникот на рускиот претседател Владимир Путин, Владимир Медински, изјави дека Киев ќе изгуби уште повеќе територија, ако Украина не се согласи со руските услови за завршување на војната.

„Невозможно е да се има долга војна со Русија“, изјави Медински за Волстрит журнал, наведувајќи ја 21-годишната војна на Русија со Шведска во 18 век како доказ дека земјата победува во долготрајни битки, објави Ројтерс.

Тој рече дека Русија сака мир, но дека ако Украина сè уште се управува од националните интереси на другите, тогаш Русија „едноставно ќе биде принудена да одговори“.