Претседателката на Европскиот парламент Роберта Мецола ја повика Германија брзо да започне со испорака на крстосувачки ракети „Таурус“ во Украина, објави денеска Тагешау.

Таа рече дека за ова има широка поддршка во Европскиот парламент, како и дека Украина не може да чека вечно, со оглед на зголемените напади од Русија.

На прашањето дали по САД и земјите од ЕУ треба да дозволат употреба на ракети со долг дострел против цели во Русија и дали Германија ќе мора да го испорача ракетниот систем „Таурус“, Мецола потврдно одговорила за весникот, наведувајќи дека тоа е ставот на ЕП.

„Да, тоа е и ставот на Европскиот парламент. Има широка поддршка за ова барање“, рече Мецола.

Таа изјавила дека Украина „не може да продолжи да чека вечно“ бидејќи изборите се одржуваат во западна земја, поточно во Германија, додека „во Украина луѓе гинат во војна секој ден“, пренесува Танјуг.