Неверојатно е колку Кинезите ги сметаат мечките шепи вистински деликатес. Мечињата се продаваат за 4 илјади долари, а една порција мечкини шепи чини околу 1.300-1.400 долари. Ова е една од причините поради која нелегално се пука во мечките, изјави за „Телеграф“ Владимир Тодоров, зоолог од бугарскиот Институт за биолошка разновидност, отсек крупни месојади, главно мечки.

Тој е шеф на бугарската групација на меѓународниот проект Нејчр Фрст. Во Бугарија нема толку многу такви случаи, но сепак постојат, додаде Тодоров. Азија е најголемиот потрошувач на дивеч и отпадоци. Во Виетнам дури постои верување дека ако бремената жена јаде шепа од мечка, таа ќе роди момче. Жолчката од мечка се користела за болни бубрези.

Во светот трговијата со нуспроизводи од дивеч е еднаква на 2 милијарди долари, рече екологистот, објави Телеграф.бг. Тој додаде дека и во Бугарија, гневните фармери пукаат и во мечки, кои им ги оштетиле кошниците со пчели, домашните животни и овошките, но тие ги оставаат животните недопрени. Имаме и случаи на лов на трофеи за кожи и черепи, додаде Тодоров.

Иако се работи за ловокрадство, засега нема ниту еден престапник осуден во Бугарија за застрелување мечка, додава Тодоров. Според него, во Бугарија има пораст на бројот на мечки, но ниту статистиката на Министерството за земјоделство (1.100) ниту на Министерството за животна средина и води (320) не се објективни.