На социјалните мрежи се појави видео од крштевка во Англија, која имала трагичен крај. На видеото, телото на Роберт Смит може да се види како лебди со лицето надолу најмалку 5 минути, пред гостите и свештеникот да забележат што се случува. Овој 61-годишник, кој боледувал од Паркинсонова болест, извесно време лебдел во базенот во дворот зад салонот за убавина во Бирмингем, додека неговата ќерка се молела и пеела.

Целиот настан го следеле најмалку 12 членови на семејството и долго време никој не забележал дека нешто не е во ред со Смит. Крштевањето се одржало на 8 октомври во задната градина на приватна куќа, а христијанската заедница го пренесувала настанот во живо на Фејсбук, иако објавата подоцна била отстранета.

На видеото се гледа како Смит лебди на негова страна неколку моменти, а потоа се бори да ја задржи главата над површината две минути. После тоа, неговата глава била под вода најмалку четири минути и 50 секунди пред другите учесници и неговата ќерка да сфатат што се случува.

Кога пристигнале екипите на итната помош, тие се обиделе да му пружат прва помош на Смит, но тој подоцна бил прогласен за мртов на местото на настанот. Роберт Смит бил по потекло од Јамајка, но живеел во Велика Британија најмалку 25 години. Тој имал седум внуци. Тој веќе бил крстен како тинејџер, но сакал втора церемонија за повторно да стане „роден верник“.

„Роберт беше неверојатен човек, секогаш можеше да му веруваш. Имаше семејство низ Јамајка, Велика Британија и САД. Неговите роднини го предупредија да не се крсти вторпат бидејќи има 61 година и боледува од Паркинсонова болест“, изјави неговиот пријател за Дејли Меил.

Полицијата го објави целиот случај. „Во догледно време ќе извршиме постмортам за да ја утврдиме причината за смртта. Спроведуваме истрага. 46-годишна жена која вчера беше уапсена во Бирмингем е ослободена со полициска кауција“ изјави портпаролот на полицијата.