Денска, 40 минути по полноќ, на улица „Осоговска“ во Македонска Каменица, полициски службеници го привеле четириесет и тригодишниот И.И. од село Косевица, општина Македонска Каменица.

При контрола на патниот сообраќај, соопштија денеска од МВР, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека му биле измерени 2,06 промили алкохол во организмот.

По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.