Српската полиција веќе три дена интензивно трага по 18-годишниот Александар Јовановиќ, матурант од градот Сремска Митровица, кој исчезна во саботата, на 15 април.

Тој последен пат бил виден во саботата наутро, кога излегол од семејниот дом и заминал во непознат правец. Избезумените родители стравуваат од најлошото, бидејќи исчезнувањето на момчето се поклопува со дојава за тоа дека непознат човек скокнал од мостот на реката Сава во Сремска Митровица.

Мајката на исчезнатиот Александар, Билјана Василиќ, вели дека тој е весел млад човек, матурант во Техничкото училиште, со желба да го продолжи своето образование. Тој живеел со својот татко, кому му припаднало старателството по разводот, а токму тој и ја соопштил веста за исчезнувањето на Александар.

„Мислев дека отишол кај некој другар, како секое дете. Сите ми велеа дека тоа не личи на Саша“, рече мајката на момчето.

Според непотврдени информации, на исчезнувањето на Александар му претходела расправија со девојка која живее надвор од Србија.

„Ги слушам овие работи со кои времето се поклопува кога излегол од дома околу десет часот, велат виделе помлад дечко, дека скокнал од мостот околу десет, дека имал црна јакна и дека викал помош“, изјави за српските медиуми расплаканата и очајна мајка.