Дефанзивецот на Баерн Минхен, Матијас Де Лихт ова лето често беше во медиумите, прво го изгуби стартното место во селекцијата на Холандија за Европското првенство, а не му оди најдобро ниту во Баерн. Сега се соочува со проблеми и надвор од теренот.

Имено, како што пренесува германски „Билд“ , Де Лихт во близина на тренинг центарот со своето Ауди удрил во еден паркиран автомобил, а за негова среќа немало никој во автомобилот. Но, проблем е што Де Лихт откако го оштетил автомобилот си заминал од местото без да повика полиција.

Ваквите постапки во Германија се казнуваат и со кривична пријава, а затворската казна може да изнесува и до три години. Сепак, за Де Лихт олеснителна околност е што му е првпат и би требало да помине само со одземање на возачка дозвола и парична казна.

„Билд“ додава дека обвинителството има сведоци, па така Де Лихт нема да може лесно да се извлече.

Инаку, во овој период Холанѓанецот се поврзува со можен трансфер во Манчестер Јунајтед.

??| The Munich police are INVESTIGATING Matthijs de Ligt for a suspected hit-and-run. He allegedly rammed a parked car near Säbener Straße and drove away.

A witness reported the incident, which occurred around 10 am, as de Ligt was heading to training in an Audi Q8 e-tron.… pic.twitter.com/UHX6IyvKH0

— CentreGoals. (@centregoals) August 9, 2024