Матеј Цветаноски (26) кој беше дел од Брера Струмица во втората полуетапа од последниот шампионат, повторно клубот го ангажираше оваа сезона и ќе го носи дресот со број „10“.

Станува збор за офанзивен крилен фудбалер кој зад себе има големо искуство како во македонскиот шампионат така и во странство.

Претходно беше дел и од Македонија ЃП, Пелистер, Вардар, Шкупи, настапуваше за унгарскиот Ѓирмот, и за албанскиот Партизани.

Минатата сезона Цветаноски за Брера Струмица одигра шест натпревари при што имаше една асистенција а во македонскиот шампионат зад себе има вкупно 158 настапи при што постигна 21 гол и 25 асистенции. Своевремено беше дел и од младинските репрезентации на Македонија.

По репрезентативната пауза играчите на Џовани Валенти новиот прволигашки меч ќе го имаат на 17 септември на гости против Шкупи.

Моментно на табелата во ПМФЛ Брера Струмица е на второто место со 13 бодови од шест натпревари. Водечка е Шкендија која исто така има 13 бодови, но од пет одиграни натпревари.

Кристијан Велиновски од Брера Струмица во Азербејџан