Домаќинствата во Холандија плаќаат струја по пониски цени од граѓаните на Србија – просечната цена на струјата за домаќинствата во Холандија во периодот јануари-јуни 2022 година е намалена на 5,9 евроценти за киловат час, додека во Србија е 8,1 евроцент за киловат час.

Кога станува збор за гасот за домаќинствата, во првата половина од годината, во споредба со Србија, поевтин бил само во Унгарија и Турција, покажува анализата „Цените на струјата и гасот за домаќинствата и економијата во Европа во првата половина на 2022“ објавено во новиот број на Макроекономски анализи и трендови (МАТ). Во економијата, пак, ситуацијата е нешто поинаква.

Трошоците за енергија во Европа оваа година драстично растат. Клучните причини се тензичните геополитички односи, конфликтот во Украина и реакцијата на пазарот на санкционирањето на рускиот извоз на нафта и гас, смета економистот Иван Николиќ, уредник на МАТ, објави Н1.

Според соопштението на Еуростат од 31 октомври, просечната пондерирана цена на електрична енергија за референтните потрошувачи од категоријата домаќинства во земјите на ЕУ се зголеми од 22 евроценти за киловат час (евроценти/kвч) на 25,3 меѓу првата половина на 2021 година и првата половина на 2022 година. Струјата, според анализата, поскапела за домаќинствата во Чешка (+62 отсто), Латвија (+59 отсто) и Данска (+57 отсто).

Од друга страна, како што се додава – во пет европски земји цената на струјата за домаќинствата е намалена – најмногу во Холандија (за дури -54 отсто), потоа Словенија (-16 отсто), Полска (-3 отсто, односно Португалија и Унгарија (и двете -1 отсто). Кога станува збор за цената на гасот за домаќинствата, вклучително и ДДВ и даноци, таа е зголемена во 23 од 24 земји-членки на ЕУ за кои се достапни податоци.