Априлијадата оваа година пријатно нè изненади во редакцијата на „Слободен печат“ кога ја забележавме маската „Новинарка“ на младата Вида, ученичка во Основното училиште „Киро Глигоров“, на која сите се израдувавме. Младата новинарка, се надеваме наша идна колешка, комплетната облека и панделката ја изработила од страниците на нашиот весник „Слободен печат“.

Нејзината мајка ни кажа дека во семејството имаат редовен читател на нашиот весник, а тоа е бабата на Вида.

Нашата редакција одлучи да ја награди креативноста на Вида, на која ќе ѝ подариме комплет книги, затоа што, нашата цел, меѓу другите, е и младите генерации да продолжат да ја негуваат читателската култура и така да го чуваат и развиваат македонскиот јазик.