Долж автопатот Скопје-Тетово на неколку километри после тетовската патарина, боровата шума е оставена на милоста на моторните пили.

На повеќе места на оваа локација се гледааат по неколку кубици иссечени борови здрави дрвја, за кои Општина Желино денеска на прес конференција од самото место обвини дека „НП Македонски шуми“ направила договор со приватна фирма за сеча на болни дрвја, но во пракса се прави масакр на целата шума.

„Се наоѓаме на местото каде веќе неколку дена и се случува еколошка „касапница“ на природата, дури и со дозвола на владините институции.Станува збор за сечење на борови дрвја, како резултат на тендер што го распиша „Државните шуми на Македонија“, а како резултат на овој тендер е склучен договор со приватна фирма, на која фирма и е дозволено да ги исече овие скапоцени борови кои се засадени уште од нашите предци и се чуваат од колено на колено со децении.Одлуката со која Управата за македонско шумарство дозволува сечење на овие скапоцени дрвја за нас претставува одлука против зачувување на животната средина и бруталното оштетување на природата, а оваа одлука е и ќе биде неприфатлива за нас“, истакна Блерим Сејдиу градоначалник на Општина Желино.

Тој додаде дека како општина нема да дозволат да се сече шумата. Со наноси од земја веќе го блокирале патот кој води кон локацијата засадена со борова шума.

„Изјавуваме дека во ниту еден момент нема да дозволиме натамошно сечење на боровите дрвја, кои се многу ретки и стари со децении, кои го чистат нашиот воздух. Затоа, кога станува збор за нашето здравје, ние не признаваме никаква одлука или овластување, без разлика дали е приватна или државна, па следствено не го признаваме ниту овој договор.Нема да преговараме со никого, кога е во прашање здравјето на нашите граѓани. Тука е црвената линија, за која по никоја цена нема да толерираме.Денеска со машините на општината го блокиравме патот кој води до местото на настанот, а на ова место во секој момент ќе патролираат инспекторите на општина Желино.Работите на фирмата што го доби тендерот за сечење борови од вчера се стопирани и блокирани.Нашата битка за заштита на природата ќе продолжи се додека за тоа налага потребата, а на оваа битка со институциите кои го нарушуваат нашето здравје ќе ги поканам сите мои граѓани без разлика на политичкото убедување да не поддржат до крај бидејќи се работи за здравјето на сите без разлика“, рече градоначалникот на Општина Желино Блерим Сејдиу.

Борова шума се сеча и од другата страна на автопатот, каде на сметка на природата никнуваат производствени погони.