Мароканска активистка е уапсена бидејќи напишала „Алах е лезбејка“ на маичката, ѝ се заканува каменување
Мароканските власти ја уапсија активистката Ибдисам Лахгар откако таа објави фотографија со навредлива референца кон Алах. На фотографијата што Лахгар ја објави на Икс, на маицата што ја носеше пишуваше „Алах е лезбејка“.
Препорачано
Јавното обвинителство на Основниот суд во Рабат објави дека активистката била приведена во полиција во неделата, а таа изјавила дека добила закани, вклучително и за каменување.
Лахгар го придружи својот пост со коментарот „во Мароко, шетам наоколу носејќи маички што носат пораки против религиите, исламот итн. Нѐ заморувате со вашето лицемерие, вашите обвинувања. Да, исламот, како и секоја религиозна идеологија, е ФАШИСТИЧКИ. ФАЛОДЕМОКРАТСКИ И МИЗОГИНСКИ“.
Лахгар организираше серија демонстрации во Мароко за правата на жените, ЛГБТК+ прашања и против машкото насилство, а го основаше Mouvement alternatif pour les libertés individuelles (MALI), кое се бори, меѓу другото, за правото на абортус и истополови бракови.
Според нејзината објава на Фејсбук, по 31 јули, кога ја објави контроверзната фотографија, таа стана мета на „сајбер-малтретирање, илјадници закани за силување и смрт и повици за линчување и каменување“.
Во една од пораките објавени од активистката се наведува следново: „Нашата земја е во опасност. Оваа жена по име Ибтисем Лахгар моментално е слободна. Родена е во Рабат и живее во Мароко. Таа е феминистичка активистка, поддржувачка на секуларната држава и отворено исламофобична. Нејзината слобода е навреда за сите Мароканци. Само таа е навреда за сите маченици, наши предци кои гордо се бореа на патот на Алах за да ја направат оваа земја она што е денес. Властите сè уште не ја уапсиле и ова е неприфатливо. Не смееме да дозволиме таков чин да помине неказнето. Нема ништо посвето за Мароканците од Алах, од исламизмот. Местото на оваа жена е зад решетки.“
Закон донесен во 2002 година наведува дека изразите што се сметаат за критички настроени кон „исламот, институцијата на монархијата или територијалниот интегритет“ не се дозволени и можат да бидат казнети со затвор. Како што е наведено во релевантната одредба, „секој што поттикнува на дела со намера да ја поколеба верата на муслиман или да го преобрати во друга религија“ се казнува со затвор од три до шест месеци и парична казна од 115 до 575 марокански дирами (до 55 евра).
