Македонско-српската комбинација Обрад Марковски и Никола Јовиќ не успеаја да се пласираат во полуфиналето во игра на двојки на ИТФ турнирот во Куршумлијска Бања, Србија.

Марковски и Јовиќ беа елиминирани од Аргентинците Шин Хес и Лоренцо Гаљардо, кои во израмнет меч постигнаа победа од 2:1 во сетови (6:3, 2:6, 13:11 на поени) за 83 минути игра.

Во првиот сет единствениот брејк го направија аргентинските тенисери во осмиот гем кога поведоа со 5:3 во гемови.

Во вториот сет Марковски и Јовиќ направија три брејка, а еден гем на свој сервис загубија и тоа им овозможи да го добијат вториот сет со 6:2 и да изедначат на 1-1 во сетови.

Во решавачкиот сет на поени ривалите постојано имаа минимална предност, а ја искористија дури четвртата меч топка и сетот го добија со 13:11 на поени.