Американскиот државен секретар Марко Рубио денеска соопшти дека ја презел функцијата вршител на должноста администратор на американската агенција за меѓународен развој (УСАИД), потврдувајќи го де факто преземањето на државната хуманитарната агенција од страна на Стејт департментот.

Како што јави „Си-ен-ен“, веста доаѓа неколку часа откако Илон Маск, најбогатиот човек на светот задолжен за реконструкција на федералната влада, рече дека претседателот Доналд Трамп потпишал затворање на агенцијата.

Рубио рече дека „функциите на УСАИД“ мора да се усогласат со надворешната политика на САД и оти таа е „агенција која воопшто не реагира“.

– Таа треба да одговори на политичките директиви на Стејт департментот и одбива да го стори тоа, тврди тој.

Трамп: УСАИД е управуван од куп радикални лудаци